分卷阅读6 (第3/4页)

防仔仍然有嫌疑，呢个叫阿dick嘅交警我听日都要查吓佢，睇下佢同消防仔有羊关系，呢几日我都查过条差佬嘅财政状况，亦都无问题，我真系諗极都諗唔到背后嘅原因！

    今朝阿头call我上去见佢，我知道一定系有关差佬单case，上到去我先汇报埋呢几日收到嘅料，通常报告完之后，我地呢边close左个 file就算，我地呢边只系收集情报，吾系查案，所以都唔方便问咁多，又或者加入个人意见。但系今日阿头好怪，佢居然问我点睇条差佬，我话我觉得条差佬一定有d野被人要胁住，但系又似乎吾牵涉金钱。阿头又问我响警校度识唔识一个叫黄sir嘅人，呢个黄sir我听过，但系我咁多次入警校都冇跟过佢，不过听d 伙记讲过，呢个黄sir好臭寸，旭d就罚体能，好多师弟死响佢手上毕吾到业，所以好多师弟都好惊佢，响佢面前吾敢say no，都算系魔鬼教官，我只系知咁多！点解阿头会无端端提起呢个人？

    阿头：你想唔想查呢单case

    呢单野都好特别，但其实呢单系乜野case？关於羊野？我一无所知！

    阿头：如果你愿意查的话，我可以将成件事话比你知，但呢单case系一级机密，绝对唔可以洩露出去！你可以考虑下先，如果你愿意，我会开个专责调查小组，再调你出情报科。

    我毫不考虑即刻答阿头我想做！

    阿头：你考虑清楚未，单野涉及好多人，有好多重系高层，破到案就当然好，未破案前，调查过程中可能有机会比一d高层影响你份appraisal，你要考虑清楚！

    我已经考虑清楚，我愿意